bibelwissenschaft.de - Das wissenschaftliche Bibelportal der Deutschen Bibelgesellschaft
Septuaginta online kaufen
  • Auf Facebook teilen
  • Vers twittern
  • ΣΟΦΙΑ ΣΙΡΑΧ
  • Sir 1

2ἄμμον θαλασσῶν καὶ σταγόνας ὑετοῦ

καὶ ἡμέρας αἰῶνος τίς ἐξαριθμήσει;

3ὕψος οὐρανοῦ καὶ πλάτος γῆς

καὶ ἄβυσσον καὶ σοφίαν τίς ἐξιχνιάσει;

4προτέρα πάντων ἔκτισται σοφία

καὶ σύνεσις φρονήσεως ἐξ αἰῶνος.

5A

Dieser Vers existiert in dieser Textausgabe nicht.

6ῥίζα σοφίας τίνι ἀπεκαλύφθη;

καὶ τὰ πανουργεύματα αὐτῆς τίς ἔγνω;

7A

Dieser Vers existiert in dieser Textausgabe nicht.

8εἷς ἐστιν σοφός, φοβερὸς σφόδρα,

καθήμενος ἐπὶ τοῦ θρόνου αὐτοῦ.

9κύριος αὐτὸς ἔκτισεν αὐτὴν

καὶ εἶδεν καὶ ἐξηρίθμησεν αὐτὴν

καὶ ἐξέχεεν αὐτὴν ἐπὶ πάντα τὰ ἔργα αὐτοῦ,

10μετὰ πάσης σαρκὸς κατὰ τὴν δόσιν αὐτοῦ,

καὶ ἐχορήγησεν αὐτὴν τοῖς ἀγαπῶσιν αὐτόν.

11Φόβος κυρίου δόξα καὶ καύχημα

καὶ εὐφροσύνη καὶ στέφανος ἀγαλλιάματος.

12φόβος κυρίου τέρψει καρδίαν

καὶ δώσει εὐφροσύνην καὶ χαρὰν καὶ μακροημέρευσιν.

13τῷ φοβουμένῳ τὸν κύριον εὖ ἔσται ἐπ᾽ ἐσχάτων,

καὶ ἐν ἡμέρᾳ τελευτῆς αὐτοῦ εὐλογηθήσεται.

14᾿Αρχὴ σοφίας φοβεῖσθαι τὸν κύριον,

καὶ μετὰ πιστῶν ἐν μήτρᾳ συνεκτίσθη αὐτοῖς.

15μετὰ ἀνθρώπων θεμέλιον αἰῶνος ἐνόσσευσεν

καὶ μετὰ τοῦ σπέρματος αὐτῶν ἐμπιστευθήσεται.

16πλησμονὴ σοφίας φοβεῖσθαι τὸν κύριον

καὶ μεθύσκει αὐτοὺς ἀπὸ τῶν καρπῶν αὐτῆς·

17πάντα τὸν οἶκον αὐτῶν ἐμπλήσει ἐπιθυμημάτων

καὶ τὰ ἀποδοχεῖα ἀπὸ τῶν γενημάτων αὐτῆς.

18στέφανος σοφίας φόβος κυρίου

ἀναθάλλων εἰρήνην καὶ ὑγίειαν ἰάσεως.

19καὶ εἶδεν καὶ ἐξηρίθμησεν αὐτήν,

ἐπιστήμην καὶ γνῶσιν συνέσεως ἐξώμβρησεν

καὶ δόξαν κρατούντων αὐτῆς ἀνύψωσεν.

20ῥίζα σοφίας φοβεῖσθαι τὸν κύριον,

καὶ οἱ κλάδοι αὐτῆς μακροημέρευσις.

21A

Dieser Vers existiert in dieser Textausgabe nicht.

22Οὐ δυνήσεται θυμὸς ἄδικος δικαιωθῆναι·

ἡ γὰρ ῥοπὴ τοῦ θυμοῦ αὐτοῦ πτῶσις αὐτῷ.

23ἕως καιροῦ ἀνθέξεται μακρόθυμος,

καὶ ὕστερον αὐτῷ ἀναδώσει εὐφροσύνη·

24ἕως καιροῦ κρύψει τοὺς λόγους αὐτοῦ,

καὶ χείλη πολλῶν ἐκδιηγήσεται σύνεσιν αὐτοῦ.

25᾿Εν θησαυροῖς σοφίας παραβολαὶ ἐπιστήμης,

βδέλυγμα δὲ ἁμαρτωλῷ θεοσέβεια.

26ἐπιθυμήσας σοφίαν διατήρησον ἐντολάς,

καὶ κύριος χορηγήσει σοι αὐτήν.

27σοφία γὰρ καὶ παιδεία φόβος κυρίου,

καὶ ἡ εὐδοκία αὐτοῦ πίστις καὶ πραότης.

28μὴ ἀπειθήσῃς φόβῳ κυρίου

καὶ μὴ προσέλθῃς αὐτῷ ἐν καρδίᾳ δισσῇ.

29μὴ ὑποκριθῇς ἐν στόμασιν ἀνθρώπων

καὶ ἐν τοῖς χείλεσίν σου πρόσεχε.

30μὴ ἐξύψου σεαυτόν, ἵνα μὴ πέσῃς

καὶ ἐπαγάγῃς τῇ ψυχῇ σου ἀτιμίαν,

καὶ ἀποκαλύψει κύριος τὰ κρυπτά σου

καὶ ἐν μέσῳ συναγωγῆς καταβαλεῖ σε,

ὅτι οὐ προσῆλθες φόβῳ κυρίου

καὶ ἡ καρδία σου πλήρης δόλου.

36

ἐννόμως βιοτεύειν.

1

1Πᾶσα σοφία παρὰ κυρίου καὶ

μετ᾽ αὐτοῦ ἐστιν εἰς τὸν αἰῶνα.